ЕШ КЕМШІЛІКСІЗ ӘЙЕЛ
Өмір бойы үйленбеген бір қарт кісі болыпты. Ол 90 жасқа келіп көз жұмайын деп жатқан кезде, одан біреу:
— Сен осы жасыңа дейін үйленген жоқсың. Бірақ, үйленбеуіңнің себебін ешкімге айтпаған екенсің. Ең болмаса қазір, өмірден өтпей тұрып, мына бізге, ешкімге ашпаған сырыңды ашшы, - деп сұрапты.
— Иә, әлі ешкімге ашпаған сырым бар. Өйткеніі, мен өміріңнің соңына дейін «Еш кемшіліксіз — Әйел» іздеумен өттім. Міне, осылайша өмірден де өтіп барамын...
— Сонда, Миллиондаған әйелдер арасынан, өзіңе лайықты әйелді таба алмадың ба?
Көзі жасқа толған қарт кісі былай деп сөзін жалғады:
— Жоқ. Өзіме лайықты, еш кемшіліксіз әйел таптым. Бірақ, ол әйел де өзіне лайықты, еш кемшіліксіз ер-адам іздеген екен...
http://bakittiotbasi.kz/
