12 қазан күні Ә.Тәжібаев атындағы облыстық әмбебап ғылыми кітапханасында Қызылорда қаласының 200 жылдық мерейтойына арналған жас суретшілер арасында «Сүйікті – қалам Қызылорда» атты сурет байқауы өткізілді. Байқауға 5-15 жас аралығындағы жас суретшілер қатысып, туған жерге деген сүйіспеншіліктерін білдіретін 55 жұмыс түрін ұсынды.

Байқау нәтижесінде 6-9 жас аралығы бойынша Жанғабыл Томирис, 10-12 жас аралығы бойынша Ким Анастасия, 13-16 жас аралығы бойынша Апсемет Мадина бас жүлденің жеңімпаздары атанып, димломдармен марапатталды.

Сурет көрмесін қала тұрғындары мен кітапхананың оқырмандары тамашалады.