Құқық бұзушылықтың алдын алу – ортақ міндет

«Заң мен тәртіп» қағидатын насихаттау, қоғамдық қауіпсіздікті қамтамасыз ету және құқық бұзушылықтың алдын алу мақсатында жастар арасында профилактикалық кездесу өтті.

Іс-шараға қалалық прокуратураның, Қызылорда облысы Полиция департаментінің Есірткі қылмысына қарсы іс-қимыл басқармасының, қалалық ювеналды полицияның және Жастар орталығының өкілдері қатысты.

Кездесу барысында жастар мен жасөспірімдер арасында жиі кездесетін құқық бұзушылық түрлері, олардың себептері мен салдары талқыланып, нақты өмірлік жағдайлар мысал ретінде қарастырылды.

Сонымен қатар есірткі қылмысының алдын алу, кәмелетке толмағандардың құқықтық сауаттылығын арттыру, қоғамдық тәртіпті сақтау және қауіпсіз мінез-құлық дағдыларын қалыптастыру мәселелеріне ерекше назар аударылды.

Кездесудің басты мақсаты – жастардың құқықтық мәдениетін арттыру, құқық бұзушылықтың алдын алу және қауіпсіз қоғам қалыптастыруға үлес қосу.

Заң мен тәртіп – қауіпсіз қоғамның негізі!