Ұрлық түбі – қорлық
Адам баласының бойындағы ең асыл қасиеттердің бірі – адалдық. Адал еңбек етіп, маңдай терімен нан табу – әр адамның өмірлік ұстанымы болуы керек. Ал біреудің мүлкіне қол сұғып, ұрлық жасау – адамгершілікке жат қылық әрі қоғамға үлкен зиян келтіретін әрекет.«Ұрлық түбі – қорлық» деген халық даналығы бекер айтылмаған. Ұрлық жасаған адам аз уақытқа өз пайдасын көргенімен, оның соңы өкінішке, абыройдан айырылуға және заң алдында жауапкершілікке әкелуі мүмкін. Біреудің сенімін жоғалту – орны толуы қиын нәрсе.
Ұрлық тек материалдық шығын келтіріп қана қоймайды. Ол адамдар арасындағы сенімге сызат түсіреді. Қоғамда ұрлық көбейген сайын адамдардың бір-біріне деген сенімі азаяды. Сондықтан әр азамат өзгенің мүлкіне құрметпен қарап, заң талаптарын сақтауы қажет.
Әсіресе жастарға дұрыс тәрбие берудің маңызы зор. Баланы кішкентайынан адалдыққа, еңбекқорлыққа, жауапкершілікке тәрбиелеу – ата-ана мен қоғамның ортақ міндеті.
Оңай жолмен келген дүниенің берекесі болмайтынын түсіндіру қажет.
Қорыта айтқанда, адал еңбек – адамның абыройын арттырады, ал ұрлық – адамды қорлыққа алып келеді. Әр адам өз еңбегімен жетістікке жетуге ұмтылып, өзгенің мүлкіне қол сұқпауы тиіс. Адалдықты өмірлік қағида еткен қоғамда тәртіп те, тыныштық та, өзара сенім де берік болады.
Меңдігүл ЕСЕНБАЙҚЫЗЫ,
Сырдария аудандық соты
әкімші басшысының орынбасары
Сырдария аудандық соты
әкімші басшысының орынбасары
Фото: Нұрболат Нұржаубай
