Сыбайлас жемқорлықпен күресу үшін ең алдымен адалдық пен әділдік қағидаларын қалыптастыру қажет. Әр азамат заңды құрметтеп, парақорлыққа қарсы болуы тиіс. Жастарға дұрыс тәрбие беріп, олардың бойына адам­­гершілік қасиетті сіңіру маңызды.

Сыбайлас жемқорлық дегеніміз – қызметтік өкілеттілікті жеке басының пайдасы үшін пайдалану. Мұндай әрекеттер мемлекеттік басқару жүйесінің әлсіреуіне, заңның үстемдігіне күмән келтіруге себеп болады. Нәтижесінде, халықтың билікке деген сенімі төмендейді, ал бұл елдің тұрақтылығы мен дамуына қауіп төндіреді.

Жем­қорлықтың та­ралуына әсер ететін негізгі се­­бептердің бірі – құқықтық сауатсыздық пен аза­маттық белсенділіктің тө­мендігі. Егер қоғам мүшелері өз құқығын жақсы білсе және заңсыз әрекет­терге бейжай қарамаса, мұндай келеңсіз құбылыстардың алдын алуға бо­лады. Сонымен қа­тар ашықтық пен есептіліктің болмауы да жемқорлықтың тамыр жаюына жол ашады.

Сыбайлас жемқорлықпен кү­рес тек мемлекеттік ор­гандардың ғана емес, бүкіл қоғамның ортақ ісі болуы қажет. Білім беру жүйе­сінде адалдық пен әділдік қағи­даларын насихаттау, жастарды пара­саттылыққа тәрбиелеу – бо­ла­шақта жемқорлықсыз қоғам құрудың маңызды қадамдары. Сонымен бірге бұқаралық ақпарат құралдары да бұл мәселеге бейжай қарамай, халықты ақпа­рат­тан­дыруда белсенді рөл атқаруы тиіс.

Сыбайлас жемқорлық – қоғамның дамуына кедергі келтіретін қауіпті құбылыс. Оны жою үшін мемлекет пен халық бірлесе әрекет етуі керек. Адалдық пен әділдік үстемдік құрған елдің болашағы әрқашан жарқын болады.

Қорытындылай келе, сыбайлас жемқорлық – тек заң бұзушылық емес, ол қоғамның дамуына қауіп төндіретін індет. Онымен күресу үшін әр азамат адалдықты ту етіп, заң талаптарын сақтауы қажет. Сонда ғана біз әділ әрі дамыған қоғам құра аламыз.