Құқықтық семинар: заңнамалық өзгерістер түсіндірілді

– Мемлекет басшысы айқындаған «Заң мен тәртіп» қағидаты – қоғамдағы тұрақтылықты, азамат­тардың қауіпсіздігін және заң үстем­дігін қамтамасыз етудің басты негізі. Осы бағыттағы жұмыстарды жүйе­лі түрде ұйымдастыру, құқық бұзушы­лықтардың алдын алу, қоғамдық тәр­тіпті нығайту және тұрғындардың құқықтық мәдениетін арттыру – бар­­лық мемлекеттік органның ортақ міндеті. Атап айтқанда, әлеуметтік, құ­қықтық, ұйымдастырушылық сипат­­­тағы алдын алу іс-шарасын жос­парлау және іске асыру – біздің тікелей міндетіміз, – деді Е.Зұлқарнаев.

Қолданыстағы заңдарға енгізіл­ген өзгерістерді кеңінен түсіндіру, құқықтық мәдениетті арттыру, заң бұзу­­шы­лықтардың алдын алу және мемлекеттік органдар мен қоғам арасындағы құқықтық өзара іс-қимылды нығайту мақсатында ұйым­дастырылған семинардың күн тәртібінде негізгі төрт мәселе қаралды. Бірінші мәселе – ауданда «Заң мен тәртіп» қағидатын іске асыру шараларын күшейту туралы болса, екінші мәселе ретінде «Қазақстан Республикасындағы жер­гілікті мемлекеттік басқару және өзін-өзі басқару туралы» Заңы­на енгізілген өзгерістер мен толық­тырулар туралы талқыланды. Ал үшінші мәселеде «Қазақстан Рес­публикасының Конс­титуциялық ре­фор­маларына сәйкес сыбайлас жем­қорлыққа қарсы заңнамадағы өз­герістер түсіндірілсе, одан кейін қосымша өзге де мәселелер қаралды. Аталған тақырыптар аясында бөлімнің бас инспекторы Айбек Сәдуақасов және бас маман Светлана Арысбаеваның баяндамалары тыңдалды.

Жиын барысында Конс­ти­туция­лық реформаларға сәйкес қабыл­данған заңнамалық өз­герістердің мазмұны, олар­дың мемлекеттік басқару жүйесіне, сондай-ақ мем­ле­кеттік қыз­­меттің тиімділігін арт­тыруға ықпалы сөз етілді. Сонымен қатар, Мем­лекет басшысы айқын­даған «Заң мен тәртіп» қағи­датын аудан көлемінде іске асыру бағытында атқарылып жатқан жұмыстар талқыланды. Құқық бұзу­шылықтардың алдын алу, заң талаптарын сақтау, сыбайлас жем­қорлыққа қарсы мәдениетті қалып­тастыру және тұрғындардың құқықтық сауат­тылығын арттыру мәселелері кеңі­нен талқыланып, слайд және бейнеролик арқылы жан-жақты түсіндірілді.

Айта кетейік, ағымдағы жылғы 14 шілдеде «Қазақстан Респуб­лика­­сындағы жергілікті мемлекеттік бас­қару және өзін-өзі басқару туралы» Қазақстан Республикасының Заңына және өзге де заңнамалық акті­лерге бірқатар өзгерістер мен толықтырулар енгізілді. Аталған өзгерістер жергілікті мемлекеттік басқару және жергілікті өзін-өзі бас­қару жүйесін одан әрі жетілдіруге бағытталған. Нақтырақ айтқанда, әкім­дердің өкілеттіктері нақтыланды, жергілікті қоғамдастықтың қызметін ұйымдастырудың жаңа тетіктері енгізілді, әкімдердің халықпен кездесу­лерін өткізу тәртібі және сай­лауалды бағдарламаларының іске асырылуы жөніндегі есептілігі жетіл­дірілді, ауыл, кент, ауылдық округ әкімдерінің сайлауалды бағ­дар­­ламасының орындалуын бағалау тетіктеріне қатысты жаңа құқықтық нормалар енгізілді. Сондай-ақ жер­гілікті атқарушы органдардың тұр­ғын үй-коммуналдық шаруа­шы­лық, білім беру, әлеуметтік қам­сыздандыру, экология, құқық бұзушылық профилактикасы және жергілікті өзін-өзі басқаруды дамыту салаларындағы функциялары толықтырылды.

Сондай-ақ Мемлекет бас­шы­сының бастамасымен жүзеге асы­рыл­ған Конституциялық реформалар еліміз­дің құқықтық жүйесін жаң­ғыртуға, мем­лекеттік басқарудың тиім­ділігі мен ашықтығын арттыруға, азаматтардың құқықтары мен заңды мүдделерін қорғауды кү­шей­туге бағытталғанын айта кету орынды. Осы өзгерістердің маңыз­ды бағыттарының бірі – сыбайлас жемқорлыққа қарсы саясатты жетілдіру және осы саладағы заңнаманы заман талабына сай жаңарту болып табылады. Конс­титуция­лық реформа аясында қабылданған заңнамалық өзгеріс­тердің мазмұнын жан-жақты түсін­діру, оларды қолдану тәжірибесінде тиімді іске асыру жолдарын талқылау және мемлекеттік қызметшілер мен өзге де субъектілердің сыбайлас жемқорлыққа қарсы заңнама талаптарын дұрыс түсінуіне ықпал ету көзделген.

Осы және өзге мәселелер тал­қыланған семинарда қаты­сушылар құқықтық мәселелер бо­йынша сұрақтарын қойып, заң­нама талаптары аясында нақты түсіндірмелер алды. Мұн­дай кездесулер мемлекеттік орган қызметкерлерінің құқықтық сауат­тылығын арттыруға, заң талаптарын дұрыс түсінуге және қоғамда заң үстемдігі қағидатын нығайтуға тиімді болмақ.