Жиынды ашқан аудан бас­шысы Берік Сәрменбаев заң мен тәртіп аясында атқарылатын негізгі жұмыс­тардың басым ба­ғыттарына тоқталды.

– Мемлекет басшысы Қасым-Жомарт Кемелұлы Тоқаев: «Заң мен тәр­тіп иде­ологиясын қо­ғамда терең ор­нық­тыруымыз қа­жет. Бұл – Әді­летті Қ­азақстанды құ­рудың бас­ты шарты» деп атап көр­сеткен болатын. Прези­дентіміздің бұл тұ­жы­­­рым­дамасы қо­ғамда заң үстемдігін қа­лыптастыруға, аза­мат­тар­дың құ­­­­қықтық са­­­­­уат­тылығын арттыруға жә­не халық пен билік ара­­­­­сындағы сенімді ны­ғайтуға бағытталған ма­ңызды бастама екені анық. Осыған орай, бүгін ұйым­дастырылып отырған іс-ша­раның негізгі мақсаты – тұрғындардың көкейінде жүрген сауалдарға нақты жауап беру, құқықтық мәселелер бойынша түсін­діру жұмыстарын жүргізу және жергілікті деңгейдегі түйткілді мәселелерді шешуге ықпал ету болып табылады. Бүгінде халықты тол­ғандыратын жер, тұрғын үй, әлеуметтік көмек, еңбек қатынастары, кәсіпкерлік, алимент өндіру, заң талаптарын түсіндіру секілді көптеген мәселелер бар. Осындай маңызды сұ­рақтарға дер ке­зінде құ­­қықтық кеңес беру – мем­ле­кеттік органдардың бас­ты міндеттерінің бірі. Аза­­маттардың құқықтық мәдениетін қалыптастыру, олардың заң аясында өз құ­қықтары мен міндеттерін білуіне жағдай жасау – қоғам тұрақтылығының ке­пі­лі. Сондықтан мұндай кездесулер халық пен мем­­лекеттік мекемелер ара­­сындағы ашық диалог алаңына айналып, тұр­ғын­дардың талап-тілегін тың­дауға үлкен мүмкіндік береді. Біз әрбір тұрғынның мәселесі назардан тыс қал­майтынын және заң аясында тиісті көмектер көр­сетілетінін атап өткіміз келеді. Әділетті қоғам құру жолында заңға құрметпен қарау, құқықтық тәртіпті сақтау – баршамызға ортақ міндет, – деді аудан басшысы.

Әрине, халықтың билік­ке деген сенімін арт­тыруға, мә­селелерді жедел шешуге, тұр­ғындардың негізсіз сер­­гелдеңге түсуін және өті­ніш­тердің созбалаңға са­­лынуын болдырмауға, қа­­­ғаз­­бастылықты азайтуға ба­ғытталған мұндай іс-ша­ралардың маңызы зор. Кездесу барысында жергілікті тұрғындар көкейдегі сауал­дарын жолдап, тұщымды жауап ала алды.

Ашық диалог ала­ына ай­налған жиында Қы­зылорда облысының прокуроры Ризабек Ожаров қо­ғам өміріндегі өзекті мә­се­лелердің бір­­­нешеуіне тоқ­­талды. Сон­дай-ақ жер­­­­­­­­гілікті халықты тол­­ған­дырған мә­селелерге қа­тысты көп­теген сауалдың жауабын тарқатты.

– Бүгін Сырдария ауданында бастау алған «Заң мен тәртіп» заң керуені ак­циясының негізгі мақ­саты – халықтың құ­қық­тық сауаттылығын арт­тыру, азаматтардың заң ая­сындағы құқықтары мен мін­­деттерін түсіндіру, қо­ғам­да құқықтық мәде­ниетті қалыптастыру болып табылады. Мемлекет басшысы Қасым-Жомарт Кемелұлы Тоқаев атап өткендей, заң мен тәртіп қағидаты – Әді­летті Қазақстанды құрудың басты негіздерінің бірі.

Сондықтан құқық бұзушылық­тың алдын алу, азаматтардың қа­уіп­сіздігін қамтамасыз ету және қоғамда заң үстемдігін нығайту – баршамыздың ортақ міндетіміз. Бұл акция Сырдария ауданынан бастау алып, алдағы уақытта об­лыстың барлық аудандарында жал­ғасатын болады. Заң керуені барысында тұрғындармен ашық кез­десулер өткізіліп, құқықтық кө­мек көрсетіліп, өзекті мәселелер бойынша түсіндіру жұмыстары жүр­гізіледі. Қазіргі таңда қоғамда алаяқтық фактілері, интернет ар­қылы жасалатын қылмыстар, мал ұрлығы, тұрмыстық құқық бұзу­шы­лықтар мен өзге де заңсыз әре­кеттер жиі кездесуде. Әсіресе, алаяқтардың түрлі айла-тәсілдер арқылы азаматтардың сеніміне кі­ріп, қаржылық шығынға ұшыратуы алаң­датарлық жағдай болып отыр. Сондықтан тұрғындарды сақ болуға, бейтаныс адамдарға сен­беуге, жеке деректерін қорғауға ша­қырамыз. Мал ұрлығы мәселесі де құқық қорғау органдарының тұ­рақты бақылауында. Бұл бағытта профилактикалық жұмыстар кү­шейтіліп, құқық бұзушылықтың алдын алу шаралары жүйелі түр­де жүргізілуде. Заң талаптарын қатаң сақтау және құқық қор­ғау органдарымен бірлесе әре­кет ету арқылы ғана мұндай келең­сіздіктердің алдын ала аламыз. Біздің бас­ты мақсатымыз – тек құқық бұзушылық орын алғаннан кейін әрекет ету емес, оның алдын алу. Сондықтан әрбір азамат қо­ғам­дағы тәртіп пен қауіпсіздікке бей­жай қарамай, заң талаптарын сақтауға атсалысуы қажет. Бар­шаңызды заңға құрметпен қарап, қоғамдық тәртіпті сақтауға шақы­рамын. Бірлесе әрекет еткенде ғана қауіпсіз әрі әділетті қоғам қалып­тастыра аламыз, – деді Ризабек Кәрімұлы.

Жиында «Заң мен тәртіп» заң керуені акциясы шеңберіндегі халық­пен кездесуде мемлекеттік қызмет саласының ардагері Марат Омаров күн тәртібінде көтерілген бірқатар мәселеге байланыс­ты пікір білдірді. Бұдан бөлек, Қызылорда облысының прокуроры Ризабек Ожаров тұрғындарды жеке қабылдап, өтініш-тілектерін тыңдады.