Кеш барысында елімізге кеңінен танымал республикалық «Jaidarman Top» және Ұлттық лига сахнасында өнер көрсетіп жүрген үздік командалар өзара бақ сынап, көрерменге көтеріңкі көңіл-күй сыйлады. Әзіл мен астарлы ойды ұштастырған әрбір команда қоғамдағы өзекті мәселені де шебер жеткізіп, көрерменнің ыс­тық ықыласына бөленді. Жиналған көрер­мен әр командаға ерекше қолдау көр­сетіп, жайдарманшылардың өнерін зор қошеметпен қабылдады. Сайысты әзіл­кеш Әлиби Басаров жүргізді.

Айта кету керек, жайдарман – жас­тардың шығармашылық әле­уетін арттырып, олардың еркін ой­лауы­на, сахна мәдениетін қа­лып­тастыруға мүмкіндік беретін ма­ңызды алаң. «Жайдарман» арқылы жас­тар ұйымшылдыққа, тапқырлыққа, мәдени қарым-қатынасқа бейімделіп, қоғам­дық белсенділіктерін арттыра түседі. Жастардың шығармашылығын шың­дап, тапқырлығы мен сахна мә­дениетін дамытуға бағытталған жоба көптің көңілінен шықты.

Сайысқа төрелік еткен әділ қа­зылар алқасының құрамында аудан әкімінің орынбасары Нұржан Ешниязов, облыстық «Жастар Рухы» жас­тар қанатының төрағасы Әсетхан Баймұрза, Қазақстан КВН одағы Қызылорда филиалының директоры Нұрлан Сипанов, аудандық қоғамдық даму бөлімінің басшысы Бейбіт Смайлов және аудандық мәдениет үйінің директоры Әзиз Садықов болды. Қазылар ал­қасы командалардың өнеріне әділ ба­ғасын беріп, қатысушылардың шы­ғар­машылық ізденістеріне жоғары баға берді.

– Республикалық байқау – жас­тардың тек әзіл айтып, көңіл көте­ретін алаңы ғана емес, олардың ой-өрісін, тапқырлығын, қоғамға деген көзқарасын қа­лыптастыратын ма­­ңыз­ды рухани орта. Бү­гінгі рес­пуб­ликалық деңгейдегі са­йыстың Сырдария ауданында жоғары деңгейде өтуі – аудан жастарының бел­сенділігінің, шығармашылық әлеуетінің айқын көрінісі. Көңілді кеште өнер көрсеткен командалардың дайындығы өте жоғары болды. Әсіресе, сахна мәдениеті, өзекті мәселелерді астарлы әзілмен жеткізуі көрерменнің ыстық ықы­ласына ие болды. Мұндай жобалар жас­тардың еркін ойлауына, мәдени ортада шыңдалуына үлкен мүмкіндік береді. Осындай мазмұнды іс-шараны ұйым­дастыруға атсалысқан барша аза­матқа алғыс білдіремін. Алдағы уа­қытта да жастарға қолдау көрсетіп, олардың шығармашылығын дамыту бағытындағы жұмыстар жалғасын табады деп сенемін, – деді аудан әкімінің орынбасары.

Сырдария төрінде өткен рес­публикалық «Жайдарман» сайысы жас­тардың басын қосқан тағылымды кешке айналып, көрерменге көтеріңкі көңіл-күй мен ұмытылмас әсер сыйлады. Осындай рухани-мәдени іс-ша­ралар алдағы уақытта да жалғасын тауып, талантты жастардың қанатын кеңге жаюына мүмкіндік береді деген сенім мол.

Тартысты өткен сайыс қо­ры­тындысы бойынша жүлделі І орынды «Проект SU» командасы жеңіп алды. Команданың сахнадағы шеберлігі, өткір әзілдері мен тың әзірлемелері әділ қазылар алқасының жоғары ба­ғасына ие болды. Ал ІІ орын «Алмалы-Абырой» командасына бұйырса, ІІІ орынды «Тұмар» командасы иеленді. Бұл ретте, «Sweet» командасының ойын­­шысы Медина Аманжолова ерекше өнерімен көзге түсіп, «Үздік ойыншы» номинациясымен марапатталды.