Әрине, бұл жетістік – ұзақ уақыт бойы жүргізілген жүйелі дайындықтың, қажырлы ең­бек­тің және білімге деген зор құштарлықтың жемісі. Мұндай жоғары көрсеткішке жету әрбір түлектен үлкен жауапкершілік пен табандылықты талап ете­тіні белгілі. Ең алдымен, шәкірт­тің білім жолындағы табысына бағыт-бағдар берген ұстаз­дардың кәсіби шеберлігі мен ата-анасының қолдауы да үлкен әсер етті. Бала тәрбиесі мен сапалы білім берудегі мектеп, мұғалім және ата-ана ара­сындағы өзара байланыс осындай толағай табыстарға жол ашатыны анық.

Асқар Тоқмағанбетов атын­дағы №135 орта мектептің директоры Зәуре Білісбаева мектеп түлегін құттықтап, бұл көрсеткіш табандылық пен еңбектің жарқын жемісі екенін алға тартты.

– Білімді ұрпақ – ел бола­шағының кепілі. Жас буынның сапалы білім алып, биік белес­терді бағындыруы – мемлекет дамуының маңызды көрсет­кіштерінің бірі. Биылғы Ұлттық бірыңғай тестілеу қоры­тындысы бойынша жо­ғары нәтиже көр­сеткен тү­лектер қатарында Рухниддин Ахметбековтің есімі ерекше аталып отыр. Бүгінде білім бәсекесі күшейген заманда жоғары нәтижеге қол жеткізу – үлкен мәртебе. Оқушымыздың 136 балл жинауы оның жан-жақты дайындық деңгейін ғана емес, болашақта биік мақсаттарға жетуге деген ұмтылысын да көрсетеді. Мұндай қуаныш өзге оқушыларға үлгі болып, білімге деген қызығушылықтарын арттыра түсері сөзсіз.

Мектеп ұжымы мен ұс­таздары дарынды шәкірттің же­тістігін зор мақтанышпен қабыл­дауда. Өйткені әрбір үздік нәтиже – білім ордасының абыройын асқақтатып, оның сапалы білім беру жолындағы еңбегінің нақты көрінісі. Білім ошағының жарқын жетістігімен шын жү­рек­тен құттықтай отырып, алда­ғы өмір жолында толағай табыс, жоғары оқу орнына сәтті түсуіне тілектеспіз. Білім мен ғылым жолындағы ізденісі жемісті болып, бағындырар беле­сі көп болсын, – деді Зәуре Құдайбергенқызы.

Білімді шәкірттің ұстаздары, ата-анасы және мектеп ұжымы дарынды жастың жетістігімен мақтанатыны жасырын емес. Білімді жастың бағындырған биік шыңы – ертеңгі үлкен жеңістің бастауы болатынына сенеміз.