Бірінші – қызығушылықты анық­тап, оны түсіну маңызды. Көбіне адам баласы хобби, өнер, спорт, шығармашылық немесе кейбір ерекше қабілет арқылы өзіне ұнайтын істі табады. Мысалы, сен сурет салғанды ұнатасың, өлең жазасың, блог жүргізесің немесе анимациямен айналысқың келеді. Егер бұл іс саған қуаныш, ынта, толқу әкелсе – бұл қызығушылық. Бірақ оны кәсіби деңгейге көтеру үшін, бірінші қадам – «Бұл шынымен маған ұнай ма?» деп шынайы өзіндік сезімді тыңдау. Себебі, дұрқызық» болғаны жеткіліксіз: ол қызығушылықты шынайы кәсіпке айналдыру үшін дағдылар қажет. Мысалы өзіңе ұнайтын істермен айналысу. Бұл тек сөз түрінде емес, іс жүзіндегі тәжірибе. Хобби ретінде басталған іс – портфолиоға, жобаларға, тап­сырыстарға, шығармашылық ортаға айналуы мүмкін.Үшінші – нарықты, мүмкіндіктерді зерттеу. Өз қабілетің мен қызығушылығың болса да бұл бағытта сұраныс бар ма? Әлеуметтік желіде, интернетте, жергілікті қоғамда сенің ісіңді бағалайтындар табылады ма? Бұл – өте маңызды.

Сонымен қатар бәсекелестік көп, сондықтан өзгешелігің, ерекше қабілетің, өзіндік көзқарасың болуы маңызды. Өзіңді таныту, қарым қатынас құру, қоғамдық орта. Қай салада болмасын өз еңбегіңді көрсету, пікірталастарға қатысу, тәжірибе алмасу, таныстар, ортада өз орныңды табу маңызды. Бұл – шығармашылықтың, кәсіби дамудың, жаңа мүмкіндік пен ұсыныс жолы.

Қорытындылай келгенде, өз қызығушылығыңды кәсіби жолға айналдыру – тек арман ғана емес, нақты жоспар, еңбек пен табандылық арқылы шынайы шын­дыққа айналуы мүмкін. Бұл оңай жол болмас, бірақ егер сен шын қызығып, шынайы ынта тапсаң, білім алып, тәжірибе жинап, өзіңді дамыт­саң, хоббиіңді кәсібіңе айналдыра аласың. Өз-өзіңмен шынайы бол, алға қойған мақсатыңа сенімді бол, еңбек ет және өз мүмкіндігіңді шектеуге жол берме! Есіңде болсын, қызығушылық тек бастама. Ал жүйелі әрекет, мақсат пен табан­дылық – сенің болашағыңның кепілі.