Соңғы жылдардағы жағ­дайлар Қазақстан қоғамының санасында тү­бе­гейлі бетбұрыс болғанын айқын аң­ғартты. Барлық деңгейде жаңа сая­си мәдениет қалыптасты. Оның басты көрінісі – азаматтардың қоғамдық өмірге белсенді араласуы және мем­лекеттің бүгінгісі мен ертеңі үшін жа­уапкершілікті өз мойнына алуға әзірлігі.

Президент Қасым-Жомарт Тоқаев ел басқарған алғашқы күндерінен бас­тап дәйекті түрде жүзеге асырып келе жатқан «Халық үніне құлақ асатын мемлекет» қағидаты билік пен қоғам арасында азаматтар үшін ең өзекті мәселелер бойынша кең ауқымды әрі кәсіби, өзара құрметке негізделген диалогтың берік іргетасына айналды.

Қоғамның саяси кемел­денуінің айқын дәлелі – Жаңа Конституция жобасын әзірлеу төңірегінде өрбіген Жалпы­ұлттық диалог болды. Өкілді Конституциялық комиссия тіке­лей эфирде әрбір норманың мәнін жан-жақты түсіндіріп, азаматтарды толғандырған өзекті мәселелер бойын­ша кері байланыс беріп отырды. Бұл жұмысқа Мәжіліс депутаттары да белсене қатысты. Мұндай теңдессіз ашықтық қоғамның сені­мін нығайтып, комиссияның атына мыңдаған ұсыныс түсті. Соның нәтижесінде бүгін қоғамның ең өзекті сұраныстарына жауап беретін Конс­титуция жобасы әзірленді. Құжат преамбуласынан бастап-ақ түсінікті әрі айқын тілмен жазылған, онда барша қазақстандыққа ортақ құндылықтар көрініс тапты.

Қазірдің өзінде жаңа Ата Заңның жобасын саяси партиялар, сарапшылар мен миллиондаған азаматтың мүддесін білдіретін қоғамдық ұйымдар қолдады. Олардың бәрі Жаңа Конс­титуциядағы әрбір жаңашыл норманың маңызын түсіндіру мақса­тымен бүкіл ел бойынша жұмысты бас­тайды.

Мен 15 наурыздың еліміздің жаңа тарихында мәңгілік із қалдыратынына сенімдімін. Ол қоғамның бұрын-соңды болмаған бірлігінің және ұлттық рух­тың биікке көтерілгенінің символына айналады.