Ұсақ бұзақылық жасағаны үшін айыппұл арқалады

Сырдария  аудандық сотында Қазақстан Республикасының ӘҚБтК-нің 434 бабының 1 бөлігінде көзделген құқық бұзушылықты жасаған азамат Р-ға қатысты әкімшілікқұқық бұзушылық туралы іс қаралды.

Құқық бұзушы Р. 2025 жылғы 3 желтоқсан 18 сағат 30 минут шамасында қоғамдық орында, яғни Сырдария ауданы, С.Сейфуллин ауылы, Сарке батыр көшесі бойында орналасқан №137 орта мектептің жанында, яғни қоғамдық орында, С.-ға былапыт сөйлеп, айналасындағыларға сыйламаушылық бiлдiріп, қоғамдық тәртiпті бұзған.

Сот отырысында құқық бұзушының ұсақ бұзақылық әрекеті, өзінің кінәсін мойындаған жауабымен, сондай-ақ  сотта зерттелген іс құжаттарымен толық дәлелденген.

Сырдария аудандық сотының қаулысымен құқық бұзушы Р. Қазақстан Республикасының ӘҚБтК-нің 434 бабының 1 бөлігімен кінәлі деп танылып, оған 55 048 теңге әкімшілік айыппұл  салынды.

Сырдария аудандық сотының баспасөз қызметі