Қазіргі уақытта сегіз жас­тағы бала жыламай тамақ ішпейтіні рас. Сол кез­дегі 8 жастағы кейіп­керіміз канал қазу ісіне ара­ласқан. Қолында кет­пені бар үлкендердің жанына ерген ол қазылған құмды сыртқа шығаруға кө­мек­тесті. Өзі секілді балалар бей­неттен қашпады. Қайта қара жұмысқа ерте араласып, ауылға аяқсу келтіруге жұ­дырықтай жұ­мыл­ды.

– Мықшыңдап әрең жүр­­ген бізге каналдың ішін­­­дегі құмды қолдап сырт­­қа шығару жүктелді. Қар­­ба­ласқа толы жұмыс күні­­нің бірінде ауылдас­та­ры­­­мызбен бірге адам ба­сының қаң­қасын тауып ал­дық. Мұн­­дайда естияр аза­­мат­­тар жөн-жорал­ғы жа­сап, адамның басын қай­та көмді. Қазіргі «Жаңа­арық» кана­­лының қа­зы­лу тарихы 1942 жылдан бас­талады. Біз де елден қалмай, білім алғымыз келеді. Бірақ жасымыз сәйкес келмейді. Сражаддин Әбибуллаев ағамыз бригадир ретінде аудан орталығымен бай­ланыс орнатып, қол жеткізе бер­­мейтін техниканы алып келді. Егін егуге машықтанған халық үшін Қара­құмның маңынан канал қазып, тір­шілікке жан бітіру – басты мақ­сатымыз болды, – дейді Әлиакбар Жұмаділдаұлы.

Отбасында жалғыз інісінен айырылып, анасына болысқан Әлиакбар ақсақалдың әкесі ұста болған. Анасы Кенжегүл үйдегі отағасының жолын тосып, баласын жалғыз жет­кізген. Күнделікті жұмыста бері­летін ас-ауқаттың жартысын баласына әкелетін. Кеудесінде намыс кер­нейтін Әлиакбар жұмыс жасауға асы­­ғатын. Тек жеті сыныптық білімі бар оны бірнеше мәрте талпыныстан кейін Қызылорда қаласындағы механизаторларды оқытатын білім ордасына қабылдайды. Оқуды сәтті аяқтағаннан кейін ауылға келіп, кәнігі механизатор атанады. Техни­каның тілін біліп, ауыр жүк көлігінің бұзыл­мауына жауапты болады. Сапалы әрі ұқыпты жұмыс істейтін меха­низаторға қашанда жаңадан келген автокөліктің басым бөлігі сеніп тапсырылады.

– Трактор, комбайн тізгіндеген сәт­те ақауды дыбысынан аңғаратын едік. Жылда үздік механизатор атанып, үздіктер қатарынан көріндім. Әбілқасым Ешпанов, Рахат Сасиқов, Қыстаубай Кәрібаев замандастарыммен бірге ауыл шаруашылығы саласында қажырлы еңбек ете білдім. Кеудемде ІІІ дәрежелі «Даңқ» ор­дені мен қола медаль жарқырай түсті. Бұның барлығы – табандылық пен жауапкершілікті сезіне білген­нің арқасы. Еш уақытта орден алға­нымызға мастанбай, аграрлық сала­ның белді өкіліне айналдық, – дейді қазыналы қарт.

Өткен күннің тарихына көз жүгір­те қарайтын қария ұсталық қызметті де атқарған. Темірден түйін түйіп, шаруаға қажетті бұйым жасаған. Әлі де ұстахананың орнынан келген еңбек адамы басшылық қойған үдеден шығады. 1955 жылы өмірлік жары Ақбаламен бірге отау құрып, 10 баланың ата-анасы атанады. Қазіргі уақытта олардан тараған ұрпақ­та­ры үлкен әулетке айналды. Қазіргі уақыт­та әкесінің күтіміне бейжай қара­майтын ұлы Исабек те ұсталық кәсіп­ті жанына серік еткен.

Балтабай ОРДАБЕКОВ