Жылдағы дәстүрмен ауыл әкімі Дәулет Сәрсенбаев ауылдық ардагерлер кеңесінің төрағасы Ермек Әлжіков, әйелдер кеңесінің төрайы­мы Назира Жүсіпова, мә­дениет үйінің қызметкерлерімен ауылдың 80 жасқа толған қария­ларын мерейтойымен құттық­тады. Әрбір қарттың үйіне барып, сәлем беріп, құрметтеген ауыл ардақ­тылары қазыналы қарттарға сый көрсетті.

– Бесарық ауылының тұр­ғын­дары қашанда игі істің қасынан табылуда. Биылғы жыл біз үшін берекелі, табысты болды. Бұл әри­не, үлкендеріміздің берген бата­сының, ауылдың ауызбірлігінің арқа­сы. Жылдағы дәстүрмен биыл да қазыналы қарияларымызды ар­найы құттық­тап бардық. Жылы сөз, елеп, ескеру әр зейнеткердің көңіліне жылу сыйлайды. «Жақсы сөз – жарым ырыс», деп қазақ бе­кер айтпайды ғой. Жас кезінен елі үшін еңбекке араласып, бейбіт күнде ерен еңбегімен елдің тіре­гіне айналған еңбек адамдары, аулымыздың қадірменді қа­рия­­­лары, сүйектері асыл алтын­­ның сынығындай болған қарт­тары­мызды жүйрік уақыттың ұш­қыр қанаты сексеннің сеңгіріне де алып жетіпті. Ауыртпалығы мен жақ­сылығы қатар жүретін өмір өрісінде, абыроймен қызмет етіп, бала­ларын қанаттыға қақтырмай, тұмсықтыға шоқытпай, ұяда түле­тіп, қияға самғатып, білімді де мә­дениетті азаматтар етіп қатарға қос­қан жандар. Сондықтан биылғы жылы да мерейлі жасқа жеткен бірнеше ардагерімізге сый-сия­патымызды жасадық, – дейді ауыл әкімі Дәулет Сәрсенбаев.

Биылғы жылы ауылдың қадір­менді де аузы дуалы ақса­қалдары мен ақ жаулықты ана­лардың қа­та­рында Күнсұлу Қайран­баева, Ұзақ Тел­ғозиев, Ілияс Сейілханов, Мүслима Жүр­сін­баева, Үйсінбай Маханов бар. Олар берекелі ауылдың өсіп-өркендеуіне атса­лыс­қан, қара­пайым еңбек етіп, тір­шілік еткен ауылдың үлкендері.

«Қарты бар ел – қазыналы ел» дегендей, өмірден көргені мен түйгені көп ақсақалдар мен ана­лардың өмір жасы ұзақ болсын.