Әрқашан аудандық «Тіршілік тынысы» газетінен көз жазбайтын жасымыз егделікке жеткен біз үшін әрбір ақпараттың дер кезінде жеткізілуі маңызды. Қазіргі уақыт­та аптасына екі мәрте газетті үйімізге әкеліп, таратушы қуантады. Шын мәнінде, жазда аптап ыстықта, қыста қытымыр аязда табанынан тозып еңбек ететін газет та­ра­ту­шысының жұмысын көзіміз көріп жүр. Олар ұжым дайындаған сапалы ақпаратты ауданның түкпір-түкпіріне жеткізуге зор үлес қосып келеді.

Міне, жыл аяқталар тұста баспасөзге жазылу науқаны жүріп жатқанынан барлығымыз хабардармыз. Газеттің ғұ­мыры ұзақ болуы үшін басылымның оқырман санын арт­тыр­ғанымыз жөн. Осы орайда, аудандық газетке жазылуды негізгі мақсат-міндетімізге айналдырайық, ағайын!