Әрбір әріпке шұқшиып үңілетін қаламгер қауымының жұмысы қай кезде де қауырт. Үнемі редакция ұжымымен байланысымызды үзбейтін біз үшін баспасөзге жазылу – өзімізге артылған үлкен жауапкершілік секілді. Күнделікті қоғам өмірінде болып жатқан жаңалыққа бейжай қарамаймыз. Бұрқырап жатқан ақпарат ағынында сапалысын табу – қиынның қиыны.

2026 жылдың І жартыжылдығына жазылу науқаны сәтті жүзеге асып келеді. Біз секілді қариялардың көбісі – өткен ғасырдан бері келе жатқан рухани серігімен үнемі қауышқысы келеді. Мұндайда газеттің құны арта түседі.

Алдағы уақытта барлық саланың мамандарын аудандық басылымға жазылуға шақырамын. «Ардагерін ардақтаған ел азбайды» демекші, үлкенге құрмет көрсетіп, ұйымшылдығымызды таныта білейік. Газетке бірге жазылып, оқырман санын арттыра берейік.