Өрісі малға, қойнауы құтқа толы ел іргесі бекігенде ел-жұрт егін егіп, берекелі күй кешті. Қазіргі уақытта ауылымыз жаңаша даму жолына түсті. Жұмыссыз азаматтар қолынан келген кәсіппен айналысуға мүмкіндік алып, екі қолға бір жұмыс тапты. Қорасын малға толтырып, бау-бақша егіп, отбасын асырап жатқандары қаншама.

Соңғы жылдары атқарылған жұмыс ауыл келбетіне оң өзгеріс әкелді. Әсіресе ауыл тұрғындарының тұрмыс жағдайын жақсарту мақсатында «көгілдір отын» келіп, ауқымды жұмыс аяқталды. Оған қоса электр желілерінің ауысуы, тұрғындардың тәулік бойы таза ауызсу тұтынуы жайлы өмір сүруге жасалған жағдай деп білеміз. Сондықтан әрбір сәтті жақсылыққа балап, ұрпағын жарқын болашаққа жетелейтін аға ұрпақ келешектен зор үміт күтеді. Ауылымыздың төл мерекесінде өткенге құрмет көрсетіп, үлкен абыроймен атқаруға күшімізді салайық. Туған ауылымыздың тіршілігі баянды болғай!