Кітап мұражайына айналған киелі жерді көркейтіп, әр бұрышында қандай кітап сақталғандығын оңай тауып бере алатын, кез келген кітаптың мазмұнын ұғындырып, қызы­ға оқуға септігін тигізетін ол әрине – кітапханашы. Кітап ша­ңырағында орын алатын көлемді, ғылыми, тағылымы мол іс-шаралар осы кітапханашылардың еңбегі. Әрі қарай сөз кезегін әдістеме бөлімінің редакторы Жанар Оразымбетова алып, «Кітапхана – ақпарат және шығармашылық орталығы» атты тақырыпта өз ойын ортаға салды. Елді мекеннен келген тәжірибесі мол, жас буынға үйретері көп кітап­ханашылар өз пікірлерімен бөлісіп, жыл бойында атқарылған жұ­мыс­тарын айтып өтті.

«Жаңа кітапхана – жаңа мүм­кіндік» тақырыбында аудандық орта­лық кітапхананың оқыр­ман­дарға қызмет көрсету бөлімінің кітап­ханашысы Гүлдана Әбенова сөз сөй­леп, біршама ақпаратпен бөлісті.

– Кітапхана – халқымыздың рухани қазынасы, білімнің сар­қылмас бұлағы. Жаңа ғима­ратқа көшуі – тек қана мекен-жай ауыстыру емес, ол жаңа серпіліс, жаңа мүмкіндіктердің бастауы болды. Жаңа кітапхана – жаңа мүмкіндіктерге жол ашты. Біріншіден, қолайлы оқу ордасы болса, екіншіден, заманауи техно­логиялар. Үшіншіден жаңа оқу залы шы­ғармашылық ортаға айналған, төр­тіншіден оқырманға қызмет көр­сету сапасының артуы. Бесінші кезекте болашаққа бағытталған даму жолы­ның айқын көрінісі. Яғни, жаңа ғимарат тек дәстүрлі кітаптарды ғана емес, электронды кітаптар қорын жинақтауға, цифрлық білім көз­дерін дамытуға мүмкіндік береді. Бұл – заман талабына сай жасалған үлкен жетістік, – дейді Гүлдана Әбенова.

«Шығармашылыққа толы кітап­ханалық шаралар» атты тақырыпта Қоғалыкөл ауылдық кітапханасының кітапханашысы Нұргүл Жұматаева баяндама оқып, атқарылған жұмыс­тарын ортаға салды. Ал Шіркейлі ауыл­дық кітап­хана­сының кі­тап­­­­­­­ха­на­шысы Қызғалдақ Ал­да­бер­­гено­ва «Кітапхана – жастар үшін мүмкіндіктер кеңістігі» та­қы­рыбында өз пікірін айтып, қыз­меткерлер арасында жаңа серпін, ой туғызды. Одан әрі Нағи Ілиясов ауылдық кітапханасының кітап­ханашысы Сәуле Найзатаева «Ру­хани қазына» республикалық семи­нарынан түйген зерделі ке­ңе­сімен бөлісіп, атқарылған жұмыс­тарын көрсетті. Бұл тәжірибе ал­масу іс-шарасында №1 филиал кітапханашысы Ләззат Серікбаева, №2 филиал кітапханашысы Кенже Бодыбаева, Қалжан ахун ауылдық кітапханасының кітапханашысы Роза Тілеубергенова, С.Сейфуллин ауылының кітапханашысы Лаура Нұрышева, Шаған ауылдық кітап­ханасының кітапханашысы Венера Айтуғанова өз пікірін айтты. Ал Ақжарма ауылының кітапханашысы Ақмарал Ай­қын­баева, Іңкәрдария ауыл­дық кі­тап­­ханасының кі­тап­ханашысы Орал­күл Әлкенова, Айдарлы ауы­лының кітапханашысы Бал­зарина Асанова, Бесарық ауы­лы­ның кітапханашысы Айсұлу Медеуова, Аманкелді ауылдық кітап­­ханасының кітапханашысы Гүл­зада Бұрханова және Жетікөл ауылының кітап­ханашысы Кенже Сейтпанова жаңа бағытта тың іс-шаралар ұйым­дастырылып жат­қандығын атап өтті.

Аталған іс-шарада қатысушылар арасында «Жақсы көңіл-күй – жақсы қарым-қатынас» атты тренинг жүр­гізіліп, барлық кітапханашы өзара ойын ортаға салды.

Семинар соңында аудандық ор­­талық кітапхананың әдіскері Раушан Баймырзақызы қоры­тын­дылап, ал­дағы уақытта да мұндай бас­қосулар жүзеге асатынын айтты.

– Бүгінгі өткен іс-шара тәжірибе алмасу мақсатында ұйым­дасты­рылған болатын. Біршама әріп­тестеріңіздің жұмыстарымен қанық болдыңыздар, өз ойларыңызды орта­ға салып, пікір алмасу жүзеге асты. Алдағы уақытта да осындай семинар көптеп өткізілетін болады. Бір-біріңіздің тәжірибелеріңіз ке­лесі біреуіне сабақ болары анық. Жастарға үлгі бола отырып, креа­тивті дүниелер жасау маңызды. Ең алдымен жас ұрпақтың кітапқа деген қызығушылығын ашып, түрлі сергіту іс-шараларын ұйымдастыру керек. Бала – біздің болашағымыз. Сондықтан әр жас буын кітапты жанына серік ету керек. Оқушы­лардың сондай дәрежеге жетуі үшін біз аянбай еңбек етуіміз маңызды, – деді сала маманы.