Білікті мамандар Нағи Ілиясов ауылында

Сырдария аудандық ауруханасының мамандандырылған дәрігерлері мен медбикелері ауданға қарасты елді мекендерді аралап, жергілікті халықтың денсаулығын жақсартуға байланысты жұмыстарға басымдық беруде. Аудандық аурухананың ақ халатты абзал жандары Нағи Ілиясов ауыл тұрғындарының қатысуымен қабылдау жүргізді.

Сала мамандары акушерлік гинекологиялық көмек көрсету ұйымдастыру стандарттарын бекіту туралы 2021 жылы шыққан №92 бұйрыққа сәйкес мобильді топ мүшелері тұрғындарға жеке қабылдау жүргізді. Мобольді топ құрамында акушер-гинеколог Н.Әбішова, онколог М.Халыбева, СӨСҚ маманы Л.Ауминова, ЖВФ жауапты мейіргері Ж.Молдахметова болды.

Дәрігерлер мен медбикелер көпшілікке түсіндірме жұмысын жүргізіп, денсаулық жағдайына байланысты кеңес берді.