Жұбайына қол көтергені үшін қылмыстық жауаптылыққа тартылды

Сырдария аудандық сотында Қазақстан Республикасының ҚК-нің 109-1-бабының 1-бөлігімен азамат Д.-ға қатысты қылмыстық теріс қылықты жасағаны үшін  іс қаралды.

Азамат  Д. зайыбы Ш-ны ұрып, яғни тән ауруына ұшыратқан, бiрақ денсаулыққа жеңіл зиян келтiруге әкеп соқпаған ұрып-соғу әрекеттерiн жасаған.

Сотталушының кінәсі оқиға орнын қарап-тексеру хаттамасымен, сот-медициналық сараптаманың қорытындысымен және істің басқа да құжаттары дәлелденді.

Сотталушы Д. өзінің кінәсін мойындап, шын жүректен өкінетіндігін айтты.

Сот үкімімен сотталушы Д.-ға Қазақстан Республикасының Қылмыстық кодексінің 109-1-бабы 1-бөлігімен кінәлі деп танылып, оған 40 сағатқа қоғамдық жұмыстарға тарту жазасы тағайындалған.

Сырдария аудандық соты

Фото: Н.Нұржаубай