Сырдария аудандық сотында Қазақстан Республикасының ӘҚБтК-нің 669-бабының 1-бөлігімен азамат О-ға қатысты әкімшілік құқық бұзушылық туралы іс қаралды.

Іс құжаттарына сәйкес, азамат О. Шымкент гарнизоны әскери сотының 2024 жылғы 11 қазандағы мемлекет пайдасына 332 988 теңге өндіру туралы шешім орындамаған. О-ға жеке сот орындаушысымен сот актісін орындау міндеттілігі жөнінде ескертілген, жұмыссыз ретінде тіркеліп, қоғамдық жұмыстар не басқа да жұмыстарды жасау мүмкіндігі ұсынылған, алайда ол жұмыссыз ретінде тіркелмеген.

Сот қаулысымен О. Қазақстан Республикасының ӘҚБтК-нің 669-бабының 1-бөлігімен кінәлі деп танылып, оған 13 762  теңге айыппұл салынған.