Таланттардың алтын бесігі

Ғасырға жуық тарихы бар Сырдария ауданының халқы қашанда «Ынтымақтың түбі – игілік, тірліктің түбі – бірлік» екенін жақсы біледі. Өрісте төрт түлігі жайылған қасиетті Тереңөзектің топырағынан талай нар тұлғалы жандар шыққанымен мақтанамыз. Қай кезде де, ауылда орын алған тың бастамаға, ауқымды жобаға, ел игілігі үшін жасалған ілкімді іске қуанып отырамыз.

Туған жерге жол түскен уақытта жыл өткен са­йын түрленіп, жанданып келе жатқан аудан орталығын көріп, марқайып қайтамыз. Биыл сексеннің сеңгіріне шықтым. Жастық шағымның куәсі болған Тереңөзегім кез келген талантқа алтын бесік бола білді. Бүгінде «Наурызнаманың» онкүндігі Сырдария ауданында кеңінен тойланып жатқанына дән ризамыз. Асқар мен Қалтайдың құтты мекені – Сырдария ауданында ынтымақ пен бірліктің, жарасымдылық пен үйлесімділіктің тойы жалғасын таба берсін дегім келеді.

Қазақылықтың қайнар көзі қалып­тасқан жерлестерімді Ұлыс­тың ұлы күнімен шын жүректен құт­тықтаймын!

Қайырбек АСАНОВ,

ақын, «Қазақстанның еңбек сіңірген қайраткері»