Қайырбек Асанов «Тараз қаласының құрметті азаматы» атанды

Сүйінші, ағайын! Сырдария ауданының тумасы, ақын, Қазақстанның еңбек сіңірген қайраткері Қайырбек Асанов «Тараз қаласының Құрметті азаматы» атанды.

Бүгінде Жамбыл облысында тұрып жатқан белгілі қаламгерлер Қайырбек Асанов пен Күләш Ахметованың есімі аудан халқына жақсы таныс. Өмірде де, әдебиет айдынында да жұп жазбай келе жатқан қос ақынды Тараз қаласының әкімі Ержан Жылқыбаев пен қалалық мәслихаттың хатшысы Батырбек Құлекеев мерекемен құттықтап, Қайырбек Асановқа «Тараз қаласының Құрметті азаматы» атағын, Күләш Ахметоваға «Қазақстан Тәуелсіздігіне 30 жыл» мерекелік медалін табыс етті.

Жыл қорытындыланар тұста жеткен қуанышты хабарды зор құрметпен қабылдап, абырой биігіндегі аудан мақтанышын мерейлі марапатымен құттықтаймыз.