"AMANAT" партиясының "Ардагерлерді ардақтайық", "Бақытты отбасы" партиялық жобалары аясында аудандық партия филиалы көктемнің шуақты мерекесінде ауданымыздың дамуында өзіндік орны бар, жетістігі мол нәзік жанды еңбек ардагерлері Қалниязова Несібелі мен Оспанова Қарақасқа құрмет көрсетіп, мерекемен арнайы құттықтады.

– Түрлі салада еңбек еткен ардагер аналарымызға құрметіміз ерекше. Әйелдер қызмет ететін салалардың жұмысында тиянақтылықтың, тәртіп пен нәтиженің үйлесімі байқалады. Мемлекет басшысының, Үкіметтің тапсырмаларын орындауда, Әділетті Қазақстанның мақсат-мұраттарына жетуде, қоғамды ілгерілетуде сіздердің білім-біліктеріңіз, іскерліктеріңіз өте маңызды рөл атқарады. Тәуелсіз Қазақстанды өркендету жолында отбасы мен қоғам жүгін қайыспай көтеріп жүрген сіздердің еңбектеріңіз әрдайым құрметке лайық, – деді Ақтөре Ибрагимұлы.

«AMANAT» партиясы әрдайым отбасы құндылықтарын дәріптеп, аналардың қоғамдағы рөлін жоғары бағалайды. Бұл құрмет – асыл жандарға деген шынайы алғысымыздың бір көрінісі ғана.

Барша аналарды көктемнің шуақты мерекесімен құттықтаймыз! Сіздердің еңбектеріңіз бен сүйіспеншіліктеріңіз үшін алғысымыз шексіз!