«Қызғалдақ» балабақшасында Наурыз мерекесі аталып өтті
Бүгін «Қызғалдақ» балабақшасында Ұлыстың Ұлы күні «Наурыз» мерекесі аталып өтті. Мерекеге балабақшаның кіші тобынан бастап үлкен топ араларында тойланып, бүлдіршіндер шат-шадыман күйге бөленді. Соның ішінде кіші топтардың мерекелік көңіл күйімен таныстық. «Балапан» тобының тәрбиеленушілері түрлі дәмнен ауыз тиіп, ерекше сүйкімді ұлттық киімдерімен көзге түсті. Топ жетекшілері Гүлзира Әділбекқызы мен Айжан Нағашыбайқызы топтағы әр бүлдіршіннің көңілін таба білген нағыз маман иелері десек артық емес. Өйткені кіші топқа жауапты болу ол үлкен жауапкершілікті талап етеді.Ал, «Құлыншақ» тобы тәрбиеленушілері жетекшісі Гүлнұр Табынбаевамен бірге балдай тәтті дауыстарымен ән шырқады. Әрі қарай мерекелік дастарханға жайғасып, мерекенің ұлттық тағамы «наурызкөжеден» дәм татты. Қазақы нақышымызды келтіріп түрлі ұлттық киіммен түрленген бүлдіршіндер асыр салып ойнап, мерекені сезіне білді. Әр топтың мерекелік көңіл күйімен балабақша меңгерушісі Гайни Хайруллақызы танысып шықты. Бүлдіршіндердің ұлттық киіміне мақтау айтып, мерекемен құттықтады.
Гүлсезім ЖАНСЕРІКҚЫЗЫ
