Жаңа жылдық мереке қарсаңында шырша мен қылқан жапырақты ағаштарды заңсыз кесу, сату және тасымалдау фактілерінің алдын алу мақсатында Қызылорда қаласы әуежайындағы ЖПб-нің қызметкерлерімен тексеріс жүргізілуде.

Осындай заң бұзушылықтар анықталған жағдайда Қазақстан Республикасы ӘҚБтК-нің 386-бабы (Жасыл екпелерді күтіп-ұстау және қорғау қағидаларын бұзу) бойынша әкімшілік жауапкершілік қарастырылған.

Осы бапты бұзуғаны үшін – ескерту жасауға немесе жеке тұлғаларға – отыз, шағын кәсiпкерлiк субъектiлерiне немесе коммерциялық емес ұйымдарға – алпыс, орта кәсіпкерлік субъектілеріне – бір жүз, iрi кәсiпкерлiк субъектiлерiне үш жүз айлық есептік көрсеткіш мөлшерiнде айыппұл салуға әкеп соғады.

Егер сіз осындай құқық бұзушылықтың куәгері болсаңыз, дереу құқық қорғау органдарына хабарлаңыз.