–Тағылымы мол танымдық іс-шараның негізгі мақсаты – мемлекет және қоғам қайраткері Темірбек Жүргеновтың өмірі мен шығармашылығын зерттеу және насихаттау. Оның мәдениет және өнер, білім беру саласындағы мұрасын қазіргі заманға бейімдеп, талқылау. Сондай-ақ еңбектерін таныстыру, үлгі ету, – деді үйірме жетекшісі А.Сағатова.

Қазақ өнері мен білімін дамытуға үлкен үлес қосқан Темірбек Жүргеновтің тағылымы мол өнегелі ғұмырын кейінгі өскелең ұрпаққа кеңінен насихаттауды мақсат тұтқан конференцияда 8-9 сынып оқушылары өздері дайындаған тақырыптарда баян­дама оқыды. Тереңнен зерттеліп, баяндамаға арқау болған тақырыптар Темірбек Жүргеновтің өмірбаяны және тарихи маңызы, Қазақстан мәдениеті мен әдебиетінің дамуына қосқан үлесі. Сонымен қатар, білім саласындағы реформаторлық қызметі, ұлттық өнер мен театрдың қалыптасуындағы рөлі. Мұнан бөлек Т.Жүргеновтың замандас­тары мен олардың ынтымақтастығы атты тақырыптарда мазмұнды баяндамаларын таныстырумен қатар дайындаған бейнероликтерін таныстырды.

Іс-шара соңында мектеп-лицей директорының тәрбие ісі жөніндегі орынбасары Жанар Серікқызы мен мектеп-лицей кітапханашысы Үміт Алашбаева сөз сөйлеп, танымдық конференцияны қоры­тындылады. Конференция барысында өз ізденім­паздықтарын, білімділіктерін көр­сете білген А.Балтабай, Е.Әскер­бекова, А.Алмасқызы, А.Русланқызы, Д.Спандиярова, И.Сламбек, А.Аман­гелдиева арнайы Алғыс хатпен, ынталандыру сыйлықтарымен марапатталды.