«Рауанның» арнайы шығарылымында бірнеше жас ақынның тырнақалды туындысын жариялауды жөн көрдік.Ертеңіме сенемінЕртеңіме сенемін, жалындаған жастарға,
Биіктерге қол созған, көз жетпейтін асқарға.
Болашаққа сеніммен елдігімді ұстанып
Елу елдің қатарын толықтырған көш барда. Қазыналы қарты бар, бірлігі бар елім бар.
Ұланғайыр қазақтың ата мекен жерім бар.
Шөбі шүйгін даласы келбетіне жарасқан
Алатау мен Қаратау айдын шалқар көлім бар. Осындай бақ бұйырған ертеңіме сенемін,
Жүз жасаған Жамбылдай өлең жырды төгемін.
Кемелденіп тасыған Сырдың суын көргендей
Шалқар шабыт шақырып, арқаланды өренің. Ұлы Абай ұстазды мойындаған бар әлем,
Данышпанды осындай тек қазақтан табар ем.
Ертеңіме сенем деп, игілігін көрем деп
Кеудесіне талайдың үміт отын жағар ем. Жыршы, күйші, спортшы да, ақын да,
Жібермейтін намысын турасында хақында.
Оны алыстан іздеме, бәрі ҚАЗАҚ баласы
Ұлт намысы жоғары – ҚАЗАҚ деген атында.Жеті әулиенің қасиеті дарыған,
Киелі Сыр елінде екен бұл өңір.
Жеті жұрттың батасына малынған,
Айдарлым деп атадым мен бүгін бір.Айдарлым туған жерім алтын бесік,
Мәпелеп, аялаған кіндік кесіп.
Тау тұлға Махмуд атам шыққан жерден,
Жолын қуып келемін мен де өсіп.Айдарлым туған жерім алтын бесік,
Жетелеген арманның соңына ертіп.
Қалдыбек пен Жәлел атам басқан жолды,
Басып келем арманымның мақсаты етіп.Айдарлым туған жерім алтын бесік,
Көктеймін көгеремін сен де өсіп.
Әрқашан жүрегімнің түбіндесің,
Келемін ауылымды мақтан етіп.Айдарлым маған үміт артқан мекен,
Үмітіңді ақтаймын деп уәде етем.
Мақтан тұтқан тұлғалардай мен де ертең,
Өлеңімді, өміріммен әрқашан да өріп өтем!Тәуелсіз елдің ұраныТәуелсіз елдің ұраны,
Самғаған көкте қыраны.
Біз боламыз жалынды,
Азат елдің ұланы.Мақтан етем жерімді,
Сыр маржаны төгілді.
Еңбекпен елге танылған,
Нағидай мықты елімді.Қырманы дәнге тасыған,
Еңбекке баулыр жасынан.
Адалдық деген басталар,
Отбасы, ошақ қасынан...Қазыналы, байтақ жерім бар,
Айбынды, қайсар ерім бар...
Батырлар туған бұл өлке,
Осындай менің елім бар!