Қазақтың ұлы ақыны Абай Құнанбайұлының өлеңдерін мәнерлеп оқу сайысына 6-9 сынып аралығындағы өзге этнос өкілдерінің оқушылары қатысып, өнерлерін көрсетті. Аталған байқауды өткізудегі басты мақсат – қазақ тілінің көркемдік ерекшелігін, бай сөздік қорын, Абай шығармашылығын насихаттау арқылы қазақ тілі мен әдебиетіне, мәдениетіне деген этнос өкілдерінің ықыласын арттыру әрі еліміздің рухани бірлігін нығайту. Қатысушылар сайыс­та қазақтың ұлттық киім үлгісімен ерекшеленді. Әр оқушы ұлы ақынның шығармаларын нақышына келтіріп, жатқа мәнерлеп оқы­ды. Байқауға барлығы 8 оқушы қатысты.

Сайыста халықаралық «Қазақ тілі» қоғамы аудандық филиа­лының төрағасы Шаһарбек Нұрсейіт, аудандық қоғамдық даму бө­лімі­нің әдіскері Ажар Оразымбетова және БАҚ өкілі төрелік етіп, қатысу­шыларға бағаларын берді.

Байқауға қатысушылардың тілді меңгеру деңгейін, қазақ тілінде таза сөйлеуін бағалаған қазылардың ше­шімімен жүлделі l орынды №36 Ә.Тәжібаев атындағы мектеп-лицейдің 8-сынып оқушысы Ярослав Лавров қанжығасына бай­лады. Жүлделі ll орынға №37 мектеп-лицейдің 6-сынып оқушысы Анзор Хаджиев лайық деп танылса, lll орынға №36 Ә.Тәжібаев атындағы мектеп-лицейдің 6-сынып оқу­шысы Ақерке Азатқызы ие болды.

Байқауға қатысушылар арнайы алғыс хат және дипломмен марапатталып, жеңімпаздарға бағалы сыйлық табыс­талды.