Аудан ардагерлеріне АЭС салудың маңыздылығы айтылды
АЭС салуды қолдау бойынша аудандық халықтық штаб мүшесі С.Садуақасов аудан ардагерлерімен кездесу өткізді. Жиында атом электр станциясын салудың маңызы мен артықшылығы талқыланып, штаб мүшесі АЭС елімізге не үшін қажет екенін, энергия қуаты тапшылығы мәселесін жоюда қаншалықты тиімді екенін түсіндірді.«Бүгінгі таңда еліміздегі электр қуатының тапшылығы Ресейден келетін 1 миллиард киловатт-сағат көлеміндегі ағынмен жабылып отыр. Жыл сайын елімізде электр қуатын тұтыну көрсеткіші арта береді. Ал қазіргі жұмыс істеп тұрған станциялардың оған шамасы келмейді. Сондықтан энергетикалық тәуелсіздікке қол жеткізу үшін бізге таза, тұрақты және сарқылмайтын энергия көзі қажет.», - деді штаб мүшесі С.Садуақасов.
Өз кезегінде ардагерлер Мемелекет басшысының бастамасын қолдайтындықтарын білдірді. АЭС салынған жағдайда оның қауіпсіздігіне баса мән берілсе деген ұсыныстарын жеткізді.
