Радиациялық қауіпті обьектілерде радиациялық қауіпсіздікті қамтамасыз ету үшін төмендегі талаптарды сақтаған жөн:

– Радиациялық қауіпсіздік режимдерін әзірлеу және енгізу, радиациялық авариялардың алдын алу және жою жөніндегі іс-қимыл жоспарларын әзірлеу;

– Республиканың бүкіл аумағында радиациялық мониторингті жүзеге асыру, радиациялық қауіпті объектілердің аумақтарындағы, бақылау аймақтарындағы және санитариялық-қорғаныш аймақтарындағы жағдайды радиациялық бақылау жүйесін құру және пайдалану;

– Жеке қорғаныс құралдарын, радиациялық барлау және дозиметриялық бақылау аспаптарын және залалсыздандыру құралдарын, тиісті техникалық құралдарды, материалдар мен мүлікті жинақтау және даярлықта ұстау;

– Халықты радиациялық авариялар жағдайындағы іс-қимылдарға дайындау, радиациялық қауіпті объектілер персоналын және авариялық-құтқару күштерінің жеке құрамын кәсіби даярлау;

– Радиациялық қауіпті объектілердің радиациялық қауіпсіздік қызметтерінің радиациялық авариялардың салдарын жоюға дайындығын қамтамасыз ету.

– Персоналды алдын ала (жұмысқа түскен кезде) және мерзімді міндетті медициналық қарап-тексеруді қамтамасыз ету

Халықтың табиғи радионуклидтерден радиациялық қауіпсіздігін жүзеге асыруда:

– Ғимараттар мен құрылыстарды салу үшін жер учаскелерін дұрыс таңдау, ол топырақтан радонның бөліну деңгейін және радиациялық фонды ескере отырып жүзеге асырылуы тиіс;

– Ғимараттар мен құрылыстарды жобалау және салу осы үй-жайлардың ауасына радонның түсуін болдырмауды ескере отырып жүзеге асырылуы тиіс;

– Құрылыс материалдарына өндірістік бақылау жүргізу;

– Құзыретті органдардың үй-жайлардың ауасындағы радонның деңгейін және радиациялық фонды ескере отырып, ғимараттар мен құрылыстарды пайдалануға қабылдауды жүзеге асыруы.