Жоба аясында Қазақстан Рес­пуб­ли­касы Премьер-Министрінің орынбасары С.М.Жұманғаринның пилоттық ауыл шаруашылығы санағын өткізуге дайын­­дық мәселесіне қатысты жергі­лік­ті атқару­шы органдарға бірқатар тапсырмалар беріл­ген болатын. Осы ретте ең алдымен халық арасында пилоттық санақ жүргізу­дің мақсаттары мен тәртібі туралы түсіндіру жұмыс­тарын ұйымдастыру жол­ға қойылған. Одан бөлек өңірлердің поли­­ция депар­таменттерімен бірлесіп пи­лот­­­­тық санақ жүргізу кезінде санақ пер­со­­налының қауіпсіздігін қамтамасыз ету, сондай-ақ жосықсыз адамдар тарапынан ықтимал алаяқтық әрекеттердің жолын кесу тапсырылған. Сонымен қоса пилоттық ауыл шаруашылығы санағын дайындау мен өткізуде Қазақстан Республикасы Стратегиялық жоспарлау және реформалар агенттігі Ұлттық ста­тис­тика бюросының аумақ­тық бө­лім­шелеріне жәрдемдесу тапсырмалары берілген болатын.

Санақ жүргізу кезінде «Ауыл шаруа­­­шылығы жануарларын бір­дей­лендіру» АЖ, жер бойынша Бірың­ғай мемлекеттік жылжымайтын мүліктің кадастры (ЖМБМК), ауыл шаруа­шылығы техникасы бойынша «Ауыл шаруашылығы техникасының мемлекеттік тізілімі» АЖ (АТМТ), субсидиялау бойынша «Субсидиялаудың бірыңғай мемлекеттік ақпараттық жүйесі» АЖ (СБМАЖ) әкімшілік дерек­терін пайдалану жоспарланып отыр.

Санақ сауалнамаларын, әдісна­маны, ақпараттық жүйелерді сынақ­тан өткізу, даладағы жұмыстарды жүргізу, бюджетті, интер­нетпен қамту сапасын бағалау және ақпарат­тық жүйелердің интернетсіз жұмыс істеуі үшін 2024 жылғы тамызда барлық өңірде пилоттық зерттеу жүргі­зіле­ді. Оның қорытындысы бойынша әкім­шілік деректердің сапасын, мемлекеттік орган­дардың ақпараттық жүйе­лерінің дайын­дығын және санақ­тың негізгі кезеңінде әкім­шілік деректерді пайдалану мүмкіндігін бағалауды қоса алғанда, анықталған пробле­малар туралы есеп жасалады.