Қазақстан Республикасының мем­­­­ле­­кеттік саясатының негізгі басым­дықтарының бірі жем­қорлықпен кү­ресу болып табылады. Сыбайлас жемқорлыққа қарсы стратегияның негізгі басым­дық­­тарының бірі – сыбай­лас жем­қорлыққа қарсы мә­дениет деңгейін қалыптастыру. Яғни, сыбайлас жемқорлыққа қарсы мәдениет – бұл адамның саналы және адамгершілікпен сыбайлас жем­қорлыққа қарсы тұру қабілеті. Тұлғаның сыбайлас жемқорлыққа қарсы мәдениеті дегеніміз, ол сол тұлғаның қоғам қауіпсіздігіне және игілігіне сыбайлас жемқорлықтың зияны туралы білімін қамтитын қасиеті. Ол индивидтің жай ғана сыбайлас жемқорлықты төзбеуі ғана емес, сонымен қатар оны жоюға, онымен күресуге талпынуы болып табылады.

Қызметкерлер сыбайлас жемқор­лықтың алдын алу жөнінде БАҚ-та мақалалар жазып, әлеуметтік желілерде осы тақырыпта материал­дар орналастырады. Мамандар арасында сыбайлас жемқорлықтың алдын алу жұмыстары бақы­лауға алынған. Қазақстан Респуб­ликасының әр азаматы сыбайлас жемқорлыққа қарсы мәдениетті қалып­тастыра білсе, еліміздің дамуы бұданда биік дәрежеге көтерілетіні хақ. Жалпы, кез-келген қызметкер өз отбасында, әріптестерінің арасында осы бір қағидаларды ұран қыла білсе, бұл індеттің түбімен жойылатыны анық.

Әрбір қоғам дамуының жақсы жағымен қатар көлеңкелі тұсы да қатар жүреді. Осы ретте елдің экономикалық жоғары даму дең­гейіне жетуін, халқымыздың демог­рафиялық өсіп-өнуін көздеген шаралар қабылданып жатқан кезде алға басқан қадамды кейін тартып, дамуымызға тежеу болып отырған сыбайлас жемқорлықпен күресті күшейту – әрқайсымыздың азаматтық борышымыз.