Сыбайлас жем­қор­лық латынның «corrum­pere», «бұзу» деген сө­зі­нен шыққан. Яғни лауазым­ды адамдар қолындағы билігін жеке өз мүддесі үшін пайдалануы. Ал тарихына үңілетін болсақ, ежелде басшыларға немесе діни қызметкерлерге құр­мет­ті сыйлықтар беру дәстүрінен бас­тау алған. Осылайша өті­ніш иесі бағалы сый тарту ету ар­қылы көздеген мақ­сатына жетіп отыр­ған.

Бүгінде аталған мә­се­ле тек парақор­лық­пен ғана шектеліп жүр­ген жоқ. Сонымен қатар тамыр-таныстық, лоббизм, қо­ғам­дық ресурстар мен қорларды заңсыз бөлу, иемдену, жекешелендіру, саяси құрылымдарды заңсыз қолдау, қаржыландыру, бопсалау сияқты түр­лі заңсыз әрекеттермен толыққан.

Болашағымыз бұлыңғыр болмас үшін әрбір азамат аталған заңсыз­дық­тардан бойын аулақ ұстағаны абзал. Ғасыр індетіне қоғам болып қарсы тұруымыз қажет. Ел болып ұйысып, жұрт болып жұмылғанда ғана мемлекеттің беделі артып, абыройы асқақтай бермек.