Аудан көлемінде қоғам тыныштығын сақтау мақсатында аудандық полиция бөлімі тарапынан ауқымды іс-шаралар жыл бойы жоспарға сай атқарылуда. Биылғы жылдың наурыз айының 1-7 аралығында «Мотоцикл» жедел-профилактикалық іс-шарасы өтіп жатқаны белгілі. Осы күні аталған іс-шара жалғасын табуда.

Аталған іс-шараның негізгі мақсаты – аудан аумағында жол-көлік оқиғаларының алдын алу, жол қозғалысы ережелерін өрескел бұзушылықтарды анықтау болып табылады.

Жедел-профилактикалық іс-шара барысында Сырдария аудандық полиция бөлімі мотоцикл жүргізушілеріне жолда жүру ережесін түсіндіріп, заң бұзушылықтарға жол бермеу керектігі және айыппұл көлемі туралы түсіндірілді.