Бұл жолы аудандық емханада «АЙТВ/ЖИТС-тің республикадағы, облыстағы індеттік ахуалы. Байланыстан кейінгі алдын алу. Нормативтік құжаттар» тақырыбында семинар өткізілді. Қоғам өмірінде өз өзектілігін жоймайтын қауіпті дерт жөнінде ұйымдастырылған семинар-кеңеске ақ халатты абзал жандар қатысты.

Семинар барысында білікті дәрігер Ақжарқын Оразбаева бірнеше мәселе бойынша мәлімдеме жасады. Сонымен қатар «АЙТВ/ЖИТС-ті алдын алуға байланысты кешенді іс-шараларды көпшілікке таныстырды. Нормативтік құжаттарда ескеретін ережелерді дәрігерлер мен медбикелерге жан-жақты түсіндірді. Экспресс тест қоюдың техникасы жиналған көпшілікке көрсетілді. Алдағы уақытта мұндай іс-шаралар жалғасын табатын болады.