Мектепті дамыту бағдарламасы талқыланды
2024 жылдың 9 ақпан күні Қазақстан Республикасы Оқу-ағарту министрінің 2023 жылғы 28 тамыздағы «Мектепке дейінгі, орта, техникалық және кәсіптік, орта білімнен кейінгі білім беру ұйымдарын дамыту бағдарламасының құрылымын және оны әзірлеу қағидаларын бекіту туралы» №273 бұйрығына сәйкес аудандық білім бөліміне қарасты 17 мектеп директорының қатысуымен мектептердің даму бағдарламалары талқыланды. Негізгі мақсаты - білім беру ұйымдарында мектепті дамыту бағдарламасының құрылымын және оны даярлау бойынша ұсынымдарын мектеп басшыларына таныстыра отырып, әдістемелік көмек көрсету еді.Жиын барысында бөлімнің әдістемелік кабинет меңгерушісі Сайлауұлы Ербол мектептің даму бағдарламасын даярлау бойынша 5 бөлімнің әрқайсысына тоқтап, талдау жасады.
Білім мекемелерінің даму бағдарламаларын құрастыру кезінде білім саласының басым бағыттарын көрсете отырып, нысаналы индикаторларға қолжетімді көрсеткіштерді көрсетуін және оны іске асыру бойынша іс-шаралар жоспарын нақты және тиімді жасаудың жолдарын көрсетті.
Жиынды қорытқан аудандық білім бөлім басшысы Б.Жәнібеков әр мектептің 5 жылға арналған даму бағдарламаларының мектептің білім сапасын арттыруда маңызды екенін айтып, аталған бағыттар бойынша жұмысты жандандыруды білім мекемелері басшыларына тапсырды.
