ҚР Денсаулық сақтау министрлігінің Қоғамдық денсаулық сақтау комитеті Ақтөбедегі науқастардың жағдайын бақылауға алды, деп хабарлайды ведомствоның баспасөз қызметіне сілтеме жасап Stan.kz.

«Қазіргі уақытта осы екі жағдайдың мән-жайы анықталып жатыр: ата-анасының келісімінсіз пункция жасалған 6 айлық сәби мен босанғаннан кейін комаға түсіп қалған әйел», – делінеді хабарламада.
Денсаулық сақтау комиетінің Ақтөбе облысы бойынша департаменті орын алған  екі жағдайға қатысты тексеріс жүргізу үшін, бейінді тәуелсіз сарапшыларды тарта отырып комиссия құрды.
Сондай-ақ, ведомстводағылар науқастардың жағдайы үнемі бақылауда болатынын мәлімдеді.
Естеріңізге сала кетсек, Ақтөбе тұрғыны Эльмира Кульманованың ұлы Самғат Көлбай инфекциялық ауруханаға түскен. Онда сәбиге пункция жасалып, салдарынан сал болып қалған.