Жол жөндеу жұмыстары қарқынды жүргізілуде

Халық қатынасын қамтамасыз етіп отырған жол мәселесі қай кезде де назардан тыс қалған емес. Бүгінде аудан бойынша облыстық маңызы бар «Самара-Шымкент-Тереңөзек» бағытындағы автомобиль жолына орташа жөндеу жұмыстары жүргізілуде.

Жөндеу жұмыстарын жүргізіп жатқан мердігер - «Ақтоған» ЖШС-і. Қазіргі таңда, жалпы ұзындығы 12 шақырым, ені 7 метр құрайтын жол бөлігіне асфальт жабындысы төселіп, 1 дана су өткізгіш құбыры қайта жөнделді.

Алдағы уақытта, жол жиегіне құм аралас тас төсеу, жол белгілерін орнату, жол үсті таңба сызу жұмыстары атқарылады.

Ең маңыздысы, жоба сметалық құжаттарға сәйкес сапалы және уақытылы аяқталуы.