Тіршілік тынысы Tirshilik-tynysy.kz ақпараттық агенттігі
» » Балабақшадағы отбасылық сайыс

Балабақшадағы отбасылық сайыс

Тереңөзек кенті орталығындағы «Бақ-Нұр бө­бек» балабақшасында «Мен бейбіт елдің ұла­нымын» атты отбасылық сайыс өтті. Сайыс­ты «Зеретай» мектепалды тобының тәрбиешісі Әйгерім Жакипова ұйымдастырды.

Саламатты өмір салтын қа­лып­тастыру, ата-ана мен бала арасында спорт мәдениетін насихаттау, Отанға, отбасына деген сүйіспеншілікті нығайту және балаларды ұйымшылдыққа, бір­лік­ке, татулыққа баулу мақсат көз­­деген сайысқа 4 отбасы қатыс­ты.

Сайыс басталмас бұрын бала­ларды, ата-аналарды айтулы ме­­­рекемен балабақша әдіскері Айгүл Әлімбаева құттықтады, бар­­ша қатысушыға сәттілік ті­ле­ді.

– Бүгін біздің балабақшамыз­да керемет іс-шара өтуде. Мектеп­ке баратын епті де жүйрік кішкен­тай ұландарымыз отбасыларымен сайысқа түседі. Жанұядағы бірлік пен берекенің айқын кө­рінісі ре­тінде сайысты тамашалаймыз. Бей­біт еліміздің аспаны ашық болсын, әрбір отбасында татулық пен балалардың шаттығы орнасын. Ко­мандаларға сәттілік тілейміз, – деді А.Әлімбаева.

«Қыран», «Тұлпар», «Бәйте­рек», «Сұңқар» тобы болып команда құрған отбасылар бес ке­зең бойынша өзара спорттық са­­йыс­қа түсті.

Алдымен таныстыру кезеңін­де әрбір топ өздерінің ұрандарын айтып, таныстырды. Сонан соң «Кім жылдам?», «Ептілер», «Ұйым­шыл­дар», «Шар жинау» сайыс­тары бойынша спорт алаңында өнерлерін көрсетті. Әрбір са­йыс кезеңі өте қызықты өтті. Ата-аналар бір-бірімен жарысып, озу­ға тырысса, балалар да өз отбасын алға сүйреді. Сайысқа қа­­ты­­сушылардың бойынан жеңіс­ке­­ жетуге деген жігерлері байқа­лып­­ тұрды.

Сайыс барысында балабақша тәрбиеленушілері өз өнерлерін ортаға салып, «Отанымды сүйе­мін», «Тұлпарым» әнін орындап, өнерлі бүлдіршіндер мерекелік көңіл-күй сыйлады.

Балақайлардың епті әрі шымыр болып өсуі олардың дұрыс күн тәртібін ұйымдастыруына бай­­­ланысты. «Бақ-Нұр бөбек» ба­лабақша тәрбиешілері әрбір бүл­діршіннің бойына жақсы қа­сиетті сіңіру үшін еңбек етіп, шы­ғармашылықпен тәрбиелеуде. Әр­­бір мереке сайын ертеңгілік өт­кізіп, балдырғандарды өнерге, спорт­қа үйретуде. Күн сайын тәр­биешілеріне асыға келетін бүл­діршіндер балабақшада жаңа ән мен тақпақ үйреніп, ақыл-ой дамытуға арналған ойын ойнайды.

Мамыр айының басындағы мерекелерге орай өт­кен отбасы­лық сайыста ептілі­гімен, жылдам­ды­ғымен ерекшеленген Рыстай отбасы бірінші орынға шықты. Екінші орынды Ахметовтер отбасы алса, үшін­ші орынды Наватовтар және Әб­дірахмановтар отбасы бөлісті. Бар­лық отбасыға дип­лом мен сый-­сияпат табыс етілді.

– Балаларымыз осы балабақ­шада тәрбиеленеді. Көңіл-күйлері жақсы, тәрбиешілеріне асығып тұрады. Күн сайын түрлі тақпақтар үйретіп, өнерге баулып жүрген балабақша қызметкерлеріне ал­ғыс зор. Мереке сайын керемет іс-шаралар өткізіледі. Бүгінгі са­йыста балаларымызбен бірге ойнап, өнер көрсеттік. Отбасы бір­лігін, татулығын, ұйымшыл­ды­ғын көрсететін сайысқа жас от­­басылар қатысып, қызықты бол­ды. Балабақша ұжымының жұ­мы­сына сәттілік тілеймін, – дейді ата-ана Динара Талқанбаева.

«ТТ» ақпарат
13 мамыр 2023 ж. 270 0