Тыл ардагерлеріне құрмет көрсетілді

Биыл Ұлы Отан соғысының Жеңіспен аяқталғанына 78 жыл толып отыр. Біз үшін Жеңіс күнінің маңызы ерекше. Әсіресе, ұрпағына бейбіт өмір сыйлаған ардагерлерді ардақтау – перзенттік борыш. Бүгінгі бақытты өмірге жеткеніміздің өзі – сол аға буынның арқасы.

Осы жолда «Бәрі де майдан үшін, бәрі де жеңіс үшін» деп тылда бел жазбай тер төккен жандардың да еңбегі ерлікпен пара-пар болды. «Тылдағы еңбек болмаса, майданда жеңіс те болмас еді» деген батырымыз Бауыржан Момышұлының сөзі осы тыл еңбеккерлеріне деген құрметінен туса керек.

Ұлы Жеңіс мерекесі қарсаңында білім бөлімінің басшысы  Берік Жәнібековмен кәсіподақ комитетінің төрағасы, аудандық мәслихат депутаты  Алмас Есназар тыл арадгерлері  Әбутәліп Есенов пен Рақымжан Бәйменов  ағайларға сый-сияпат жасап, баталарын алып қайтты.