Аудан жастарының аллеясы ашылады

Аудан әкімі Берік Сәрменбаевтың бастамасымен аудан орталығынан аудан жастарының аллеясы ашылады.

Ауданымыздың белсенді жастары ауқымды бастаманың жанынан табылып, жүйелі түрде жүзеге асуына қолдан келгенше көмек беруде.

- Ауданымыздың жасыл желекке айналуына аудан жастары үлес қосуымыз қажет, – деді "Сырдария жастары" еріктілер штабының төрағасы Абай Тоқтаров.

Осы игі бастаманың бір қадамы ретінде ерікті жастар аллеяның қоршау жұмыстарына келіп, жер қазу жұмыстарын жүргізуде.

Құрметті аудан жастары!

Баршаңызды игі іске ат салысуға шақырамыз! Әлі де жұмыстар бар.

Аталған бастама жастарға деген сенім мен жауапкершіліктің айқын көрсеткіші.