Жаңа қызметіне сәттілік тіледі

Аудан әкімі М.Ергешбаевтың қатысуымен актив жиыны өткізілді.

Жиынға аудандық соттың төрағасы Р.Алданбергенов, аудан прокуроры А.Кемалов, сала ардагерлері мен мемлекеттік мекеме басшылары қатысты.

Сырдария ауданының полиция бөлімінің бастығы лауазымын атқарып келген Ибраев Нұрлан Мерғалиұлы Қызылорда облысы Жаңақорған ауданының полиция бөлімінің бастығы қызметіне ауысуына байланысты, аудан әкімдігінің алғыс хатын табыстап, шығарып салды.

Аудан басшысы Мұрат Нәлхожаұлы "Нұрлан Мерғалиұлы 2020 жылдан бастап Сырдария аудандық полиция бөлімінің бастығы қызметін абыроймен атқарып, ел-халықтың алғысына бөленді. Жаңа қызметіңізге абырой, табыс тілеймін" деген тілегін жеткізді.