Аманкелділік еріктілер тұрғындарға көмек беруде

Аманкелділік бір топ ерікті жастар елді мекендегі көмекке мұқтаж тұрғындардың отынын жарып берді. Мұндай көмекке негізінен жалғызбасты қарттар мен мүгедектер мұқтаж болады.

Бүгінде бірнеше тұрғынға көмек қолын созып үлгерген белсенді жастардың басты мақсаты адами құндылықтарды дәріптеу.

Осылай көмек қолын созу «Негізі біздің халқымыздың және де адамдардың арасындағы қарым-қатынасты нығайтуға біраз сеп болады деген сенімдеміз. Себебі біз барсақ, қасындағы көрші үйдегі адамдарға біз себепкер болып, осылай біздің орнымызға өздері айына бір рет осылай көмектерін көрсетсе, бұл да бір еріктілік, волонтерлік, қайырымдылық, игі іс болатын еді. Біз соған түрткі болсақ деген оймен барлығын жасап жүрміз», өзге де көмекке мұқтаж жандарға қол ұшын созуға әзірміз, – дейді Аманкелді ауылдық әкімдігі жанынан құрылған «Жалын» еріктілер штабының мүшелері.

Барлық ерікті түрде жұмыс жасап жүрген жастарға алғыс білдіреміз.