Тәуелсіз елдің бақытты ұрпағымын

Туған жер – адам өміріндегі ең киелі де қасиетті орын. Дәл осы туған жер кез келген адамды өткенмен және болашақпен байланыстырады. Міне, сон­дықтан да тіпті балалық шақтан бас­тап-ақ адамда Отанға деген махаббат сезімі оянады. Әрбіріміз үшін Отан ошақ басынан бас­талады. Туған жер, туған көше, туған қала немесе аудан кім­ге де болса ыстық.

Менің Отаным – Қазақстан. Және кішкентай болса да, мен үшін аса қымбат жер – Тереңөзек кенті. Отанға, туған жерге де махаббатым менімен бірге өсіп келе жатқан сияқты. Есейген сайын туған жердің қадірі мен қасиетін терең ұғып келе жатқандаймын. Осы жұмақ мекенде менің көңілді де уайымсыз балалалық шағым өтуде. Демалыс уақытында үйдің маңындағы аулада ойнағаным және әкеме еріп атқа мініп үйренгенім, балабақша мен мектеп табалдырығын аттап оқушы болған кезім. Осындай ыстық естеліктермен туған жер әр адамның ойын­да ең биік шың болып қалады.

Мен қазіргі уақытта  4-сыныпта оқып жатырмын. Ұстазым «Әрбір бала елі­нің дамуына үлес қосатын білімді азамат болуы керек. Ол үшін ерінбей сабақ оқың­дар» деп үнемі айтып отырады. Біз білімді, білікті азамат болып өсу үшін түрлі ғылыми, мәдени сайыстарға қаты­сып, шыңдалу үстіндеміз. Мен – елім­нің бір бөлшегімін, оның бүгіні мен болаша­ғымын.

Нұрислам ҰЛТАНБЕКОВ,
№131 орта мектеп оқушысы