Заңның жаңа талаптары түсіндірілді

Бүгін «Зум» платформасы арқылы Қазақстан Республикасының сыбайлас жемқорлыққа қарсы іс-қимыл агенттігінің Қызылорда облысы бойынша департаментінің Превенция басқармасының ұйымдастыруымен «Сыбайлас жемқорлыққа қарсы іс-қимылдың жаңа тетіктері» тақырыбында Сырдария ауданы әкімі аппараты, дербес бөлімдер, кент және ауылдық округ әкімі аппараттары қызметкерлерінің қатысуымен құқықтық семинар өткізілді.

Семинар барысында Қазақстан Республикасының сыбайлас жемқорлыққа қарсы іс-қимыл агенттігінің Қызылорда облысы бойынша департаментінің Превенция басқармасының бас маманы Жанар Қозбағарова Жалғасбайқызы баяндама жасап, аталған заңның талаптары, сыбайлас жемқорлыққа қарсы іс-қимыл саласындағы заңнама талаптары түсіндірілді. Сонымен қатар  мемлекеттік қызмет жүйесіндегі сыбайлас жемқорлық құқық бұзушылықтардың алдын алу, болдырмау және алдын алу бойынша шаралар талқыланды.
 
Сонымен қатар, жұмыс барысында қолданыстағы заңнамаларды қатаң сақтап, заңдылықтың бұзылуына жол бермеу үшін тиісті шаралар қабылдап, сыбайлас жемқорлық тәуекелдер картасына енген салалар бойынша ішкі талдау жүргізудің сапасын арттыру қажеттігін атап өтті.