Сайлау нәтижелерін қолдау мақсатында ауданның жас кәсіпкерлерімен кездесу өтті

Бүгін аудандық партия филиалының мәжіліс залында ауданның жас кәсіпкерлерімен кездесу өтті. Кездесуге аудандық партия филиалының атқарушы хатшысы Еркебұлан Жақып пен партия белсендісі Қайрат Ерманов қатысты. Кездесу барысында Еркебұлан Жақып 20 қарашада өткен кезектен тыс Президент сайлауы жайлы кәсіпкерлерге айтып берді. Баршаңызға белгілі ОСК қорытындысы бойынша Қ.К.Тоқаев 81,31 % пайыз дауыс жинады.

– Аталған сайлауға қатысу бойынша Қызылорда облысы Республика көлемінде алдыңғы қатарларда болса, біздің ауданымыз да белсенді қатысты. Бұл дегеніміз – Сыр өңірі жұртшылығының ел ертеңіне деген бей-жай қарамайтындығын білдіреді. Жергілікті кәсіпкерлер сайлау барысында айрықша қолдау көрсете білді. Бизнес өкілдері саяси науқанның сапалы ұйымдастырылуына айрықша көмектесті,  – деді Еркебұлан Жақып.

Кездесу барысында Қайрат Жоламанұлы да пікір білдіріп, жастарды адал кәсіп етуге шақырды.

– Жеке кәсіппен айнылысу күрделі шаруа. Оған ерекше қабілет керек. Ұйымдастырушылық қасиет дағдыға айналуы тиіс. Мемлекет жас кәсіпкерлерді қолдайды. Зор сенім артады. Айқын бастамаларға иек артып, жүйелелі жұмыс жасау керектігін ескертемін, – деді   Қайрат Жоламанұлы.