Енді балабақшаларда бірыңғай кезек болады
Яғни екінші деңгейдегі банк қосымшалары мен Egov.kz арқылы кезекке тұру қарастырылады. Бұл туралы Әлихан Смайыловтың төрағалығымен өткен кеңесте айтылды, деп хабарлайды «Хабар 24». Сонымен қатар 2023 жылы "Отбасының цифрлық картасы» жүйесі іске қосылмақ. Осылайша, мүмкіндігі жоқ отбасылардан шыққан балалар үшін тамақтануға ақы төлеу тетігі жүзеге асырылады. Осы тұста Үкімет басшысы мемлекеттік органдардың ақпараттық жүйелерін біріктіруді және осы бастаманы қаржыландыру жайын пысықтауды тапсырды. Бұдан бөлек, мүмкіндігі шектеулі балалар үшін де балабақшалардың қолжетімділігін кеңейту, мұғалімдердің біліктілігін арттыру сынды бастамалар қаралды.
