Бюджеттік сала өкілдерімен кездесті

Бүгін аудандық партия филиалының Атқарушы хатшысы Жақып Еркебұлан Төлепбергенұлы Тереңөзек кенті мәдениет үйінде бюджеттік сала өкілдерімен кездесу өткізді. Аталмыш кездесуге «Halyk bank»-тің Сырдария аудандық филиалының аға менеджері Ахантаев Бағлан қатысты. Мемлекет басшысы Қ.Тоқаевтың үстіміздегі жылдың 1 қыркүйегінде жариялаған «Әділетті мемлекет. Біртұтас ұлт. Берекелі қоғам» атты Жолдауындағы агроөнеркәсіптік кешенді дамыту мәселелері бойынша түсіндірме жасалды.

Жолдауда Президент Қ.Тоқаев «Ауыл шаруашылығын дамыту – негізгі проблеманың бірі. Осы саладағы ахуал мемлекетіміздің азық-түлік қауіпсіздігіне тікелей әсер етеді. Еліміздің ауыл шаруашылығы өнімдерінің көлемін және оның қосымша құнын арттыру қажет. Бұл – стратегиялық міндет. Қазір тек бидай мен мал сатып отыратын заман емес. Үкімет агроөнеркәсіп саласын субсидиялаудың ұзақ мерзімге арналған жаңа тәсілдерін әзірлеуге тиіс.», – деп нақты атап көрсетті. Сонымен қатар субсидия бөлуге және оның жұмсалуына жүргізілетін бақылауды күшейту керектігі, шаруалардың өзара ұжымдасуы ауыл шаруашылығын дамытуға жол ашатындығы, биылғы Жолдауда ашып айтылғандығын, – Е.Жақып атап өтті. Өз кезегінде аталмыш кездесуге қатысушылар биылғы Жолдаудың әсерлі болғандығын, елдегі саяси өзгерістердің логикалық жалғасы болғандығын айтып, кездесуді қорытындылады.