Фракция отырысы өтті
Аудандық партия филиалының мәжіліс залында аудандық мәслихаттағы депутаттық фракция мүшелерінің отырысы өтті. Отырысты аудандық партия филиалының Атқарушы хатшысы, фракция жетекшісі Е.Жақып ашып, жүргізіп отырды. Фракция отырысының күн тәртібінде төмендегідей мәселелер қарастырылды:1. Мектептерді күрделі жөндеу және салу барысы;
2. Күрделі жөндеу, құрылыс барысы, сондай-ақ студенттердің колледждер мен жоғары оқу орындарының жатақханаларындағы орындармен қамтамасыз етілуі;
3. Жанар-жағармай материалдарымен қамтамасыз ету мәселелері;
4. Азық-түлік өнімдерінің бағасын тұрақтандыру жөніндегі шаралар туралы.
Фракция отырысының күн тәртібі бірауыздан бекітілген соң, сала мамандары баяндама жасады. Отырыстың күн тәртібіндегі мәселелер бойынша тиісті қаулы қабылданды.
Ақтөре Ибрагимұлы,
аудандық мәслихат депутаты,
«AMANAT» партиясының мүшесі
